Paixón por unha mente activa

Coa idade é normal certo grao de perda de memoria, necesitamos máis tempo para acordarnos dun feito concreto, dun nome... cústanos máis aprender cousas novas. Por este motivo é moi importante realizar actividades que nos axuden a mellorar o noso rendemento intelectual, tanto no que respecta á memoria, como á capacidade de cálculo ou á resolución de problemas.

O noso cerebro é como un músculo que necesita realizar exercicios con regularidade para manterse e mesmo mellorar. Para manter en forma a túa mente, é conveniente que adquiras ou manteñas hábitos como os que che indicamos a continuación:

• Mantén as túas cousas en orde. Como di o refrán “cada cousa no seu sitio e un sitio para cada cousa”. Ademais, procura que ese sitio sexa lóxico, así será máis fácil localizar obxectos como as chaves, as lentes ou a medicación diaria.
• Presta atención ao que fas en cada momento e ao que sucede á túa ao redor, así poderás lembralo con maior facilidade. Concéntrache nunha única actividade, evita facer varias á vez. Revisa o que liches no capítulo 1.7 Atención plena: saboreando o aquí e agora desta guía.
• Anota nunha axenda, no teléfono móbil... aquilo que non queiras que se che esqueza.
• Evita a tensión. Podes relaxarche facendo respiracións profundas, escoitando música, practicando ioga ou meditación, tendo unha conversación agradable... Repasa o capítulo 1.5 Como afrontar a tensión desta guía.
• Descansa o suficiente. Durmir ben é fundamental para aprender e lembrar aquilo que aprendemos. Cando estamos cansos resúltanos difícil concentrarnos.
• Le, escribe… aprende idiomas, memoriza cousas, realiza crucigramas, sopas de letras, sudokus... Manter activo o teu cerebro axúdache a manter a túa agudeza mental.

Os exercicios que che propomos a continuación poden axudarche a aumentar a concentración e a memoria. Como dixo Jim Ryun, ex-atleta estadounidense e político, “a motivación é o que che pon en marcha, e o hábito é o que fai que sigas”. Polo que animámosche a seguir practicando este tipo de actividades e outras con regularidade para manter a túa mente activa e sa.