Burua aktibo edukitzearen aldeko pasioa
Funtzio kognitiboak hobetzeko eta mantentzeko ariketak
Adinarekin normala da memoria pixka bat galtzea; denbora gehiago behar dugu gertaera jakin batez gogoratzeko... Kosta egiten zaigu gauza berriak ikastea. Hori dela eta, oso garrantzitsua da gure errendimendu intelektuala hobetzen lagunduko diguten jarduerak egitea, dela memoria jarduerak eta dela kalkuluarenak edo arazoak ebaztekoak.
Gure garuna gihar baten modukoa da, ariketak maiztasunez egitea behar duena sasoiari eusteko eta are hobetzeko. Zure burua sasoian izateko, komeni zaizu honelako ohiturak hartzea:
- Eduki gauzak ordenatuta. Esaerak dioen bezala, “gauza bakoitza bere lekuan, eta leku bat gauza bakoitzarentzat”. Horretaz gainera, saiatu leku hori logikoa izan dadila; hala, errazago aurkituko dituzu giltzak, betaurrekoak nahiz eguneroko botikak.
- Jarri arreta unean-unean egiten duzunari eta zure inguruan gertatzen denari; horrela, errazago gogoratuko duzu. Kontzentratu jarduera bakar batean, eta saiatu ez egiten gauzak batera. Berrikusi gida honetako 1.7 atalean irakurri duzuna Arreta osoa: uneaz eta lekuaz gozatzen.
- Idatzi agenda batean edo sakelako telefonoan zer ez duzun ahaztu nahi.
- Saihestu estresa. Erlaxa zaitezke arnasaldi sakonak hartuta, musika entzunda, yoga edo meditazioa eginda, elkarrizketa atsegin bat izanda... Eman begiratu bat gida honetako 1.5 atalari Nola egin aurre estresari.
- Har ezazu behar bezainbat atseden. Lo ongi egitea funtsezkoa da ikasteko eta ikasitakoa gogoratzeko. Nekatuta gaudenean, zaila egiten zaigu kontzentratzea.
- Irakurri, idatzi, ikasi hizkuntzak, gogoan hartu gauzak, egin gurutzegramak, hizki zopak, sudokuak... Garuna aktibo baduzu, horrek lagunduko dizu adimena bizkor izaten.
Hona hemen ariketa proposamen batzuk, kontzentrazioa eta memoria indartzen lagunduko dizutenak. Jim Ryun estatubatuar atleta ohi eta politikariak esan zuen bezala, “motibazioak jartzen zaitu martxan, eta ohiturak laguntzen dizu bideari segida ematen”. Hortaz, honelako eta bestelako jarduerak maiz praktikatzera animatzen zaitugu, adimena aktibo eta sano eduki dezazun.
Ariketa 4.1 - Zure bizitzaren bidea
Jarduera hau zure memoria biografikoarekin lotuta dago, zure bizitzako gertaerei buruz dituzun oroitzapenekin.
Deskargatu ariketaAriketa 4.2 - Ikusmen-pertzepzioa eta arreta
Begiratu irudiari minutu batzuetan, eta saiatu haren elementu guztiak buruz ikasten.
Deskargatu ariketaAriketa 4.3 - Entzumen-pertzepzioa eta arreta
Irakurri ozenki ondoko hitz zerrenda eta saiatu buruz ikasten.
Deskargatu ariketaAriketa 4.4 - Usaimenaren pertzepzioa eta arreta.
Laura Esquivelen “Como agua para chocolate” liburutik ateratako pasartea ozenki irakurri, eta usainei buruzko erreferentziak ekartzen ditu gogora.
Deskargatu ariketaAriketa 4.5 - Dastamen-pertzepzioa eta arreta
Elikagai bakoitzaren zaporeak (gazia, gozoa, mikatza...) deskribatu eta buruz ikasten saiatzen da.
Deskargatu ariketaAriketa 4.7 - Irudimena
Eman minutu batzuk koadroetako bakoitza behatzeko, eta imajina ezazu kontakizun bat horietatik abiatuta. Ondoren, irudimenezko kontakizunei buruzko lerro batzuk idatz ditzakezu.
Deskargatu ariketaAriketa 4.8 - Hitz-jarioa
Jarduera hau hitz idatzi edo ahoskatuak gogoratzeko gaitasunarekin lotuta dago.
Deskargatu ariketaAriketa 4.9 - Orientazio espaziala
Jarduera honek zerikusia du espazioan bi dimentsiotan edo gehiagotan objektuak irudikatzeko gaitasunarekin.
Deskargatu ariketaAriketa 4.10 - Denbora-orientazioa
Jarduera honek zerikusia du buruan gertaerak edo egoerak denbora desberdinetan kokatzeko gaitasunarekin.
Deskargatu ariketaAriketa 4.12 - Egitura kognitiboa
Sailka itzazu produktuak (harategia, frutategia, arrandegia…).
Deskargatu ariketaAriketa 4.13 - Arrazonamendua
Jarduera hau antzekotasunak ezagutzeko eta printzipioak edo arauak ondorioztatzeko gaitasunarekin lotuta dago.
Deskargatu ariketaAriketa 4.14 - Oroipena
Jarduera hau bizi-gertaeren oroitzapena hitzez adieraztearekin lotuta dago, normalean gozamenezko ñabarduraz bizi izandakoak.
Deskargatu ariketa