Elikadura osasungarri eta jasangarri baten aldeko pasioa

Zuritu tomateak eta ahuakatea, kendu hezurra, moztua biak xerratan eta nahasi entsaladatarako erabiltzen dugun ontzi batean. Moztu mozzarella xerratan edo pilotatxotan, eta nahasi tomatearekin eta ahuakateekin. Irabiagailuaren ontzian, jarri albahaka hosto garbituak, baratxuri ale zuritua, oliba olioa, ozpin tanta batzuk eta gatz pittin bat. Xehetu saltsa homogeneoa lortu arte, baina ikus daitezela albahakaren hosto zatitxo batzuk. Bota entsaladari salda horretatik.

Kutsatu oilaskoa olioarekin, gatzarekin eta piperbeltzarekin. Ipini labeko erretiluan, tipula, piper, baratxuri eta azenario puska lodietan, eta jarri gainean oilaskoa. Sartu labean 60 minutuz, 280 gradura. Erdi errea dagoenean, bota garagardoa, eta segi daitezela egiten izterrondoak eta berdurak. Erretzez bukatzeko 5 minutu falta direnean, igo 225 gradura, gorri puntua emateko. Une horretan, zatitu melokotoiak eta paraguaioak eta gorritu zartagi batean olioarekin eta gatz pittin batekin. Aurkeztu brotxeta eran: sartu izterrondoak barazki eta fruta erreekin lagunduta, erretiluko zukutan.

Bihi osoko ogia: 40 g

Sasoiko fruta freskoa: 100 g aran.

Kuiatxoak azal mehe badu, ez da beharrezkoa zuritzea. Garbitu kuiatxoa xerra finetan moztu aurretik. Zuritu tipula eta moztu brounoisse eran (laukitxo txikiak). Zartagi batean, berotu oliba olioa eta olio horretan egin brounoisse eran mozturiko tipula. Tipula egina dagoenean, gehitu kuiatxo xerrak, eta utzi dena egiten 4 minutuz. Emaiozu behar duen gatza, eta kendu olioa berdurei iragazki batekin. Irabiatu arrautzak eta nahasi tipula eta kuiatxo eginak, eta, zartagi batean aurretik erabili dugun olio horretatik pittin bat botata, egin tortilla su eztian buelta eta buelta

Bihi osoko ogia: 40 g.

Sasoiko fruta freskoa: 150 g meloi.

Egosi endibiak ur askorekin eta gatzarekin 15 minutuz, eta egosi ondotik, kendu ura, eta ipini aurkeztuko dugun plateran. Ipini gainetik erremolatxa zatitua, ahuntz gazta laukitxoak, bota gatza eta tipulin zatitua, eta azkenik oliba olio birjina estra, koilarakada batzuk. Zerbitzatu momentuan.

Zatitu tipula juliana eran eta azenarioak xerratan. Zuritu baratxuriak eta utzi osorik. Zatitu untxia gorputz adarrak moztuta, eta saiheskiak bitan, eta atera erraiak. Gazitu arinki zatiak eta irineztatu. frijitu kazola batean gorritu arte. Gehitu berdurak, gatza, ardoa, salda eta ereinotza. Nahasi dena eta utzi irakiten. Egin dadila su eztian ordu bat. Azken unean bota perrexil xehetu pixka bat. Kuskusaren guarnizioa egiteko, gorritu lehenik eltze batean olio gutxirekin, mugitu alde guztietatik txigortu dadin eta erre ez dadin. Pixka bat gorritzean, egosi irakinaldiko saldarekin, itzali sua eta eduki tapa itxita hamar minutuz. Ondoren, mugitu zereala zurezko sardexka batekin (edo eskuarekin) aleak bereizteko, eta ondu oliba olioarekin.

Bihi osoko ogia: 40 g.

Sasoiko fruta freskoa: 100 g mango.

Garbitu barbarinak. Garbitu eta moztu zerrendetan berdura guztiak, eta sartu kazola batean urarekin, estali arte, eta irakin. Irakinaldi bat emanda, atera sutik eta kendu ura. Prestatu labeko 4 paper, eta jarri berdurak haien gainean, eta pakete bakoitzean barbarin bat edo bi (nolako tamaina duten). Ipini koilarakada bat oliba olio birjina estra barbarinen gainean, piperraren eta gatza. Bildu labeko papera pakete bat egin arte baina izan dezala lekua barrenean, hazi egingo baita. Mikrouhinean egiten baduzu, ziurtatu papera egokia dela horrako. Aparatu horretan, 5 minutuz eduki behar da platera indar betean. Utzi hozten minutuz, eta zerbitzatu plater batean paketean berean, paperaren goiko zatia labana batekin kenduta.

Bihi osoko ogia: 40 g

Sasoiko fruta freskoa: Udare 1.

Egosi azalorea, eta gorde egosaldiko ura batetik eta azalore egosia bestetik. Kazola batean, erregosi tipula, bi baratxuri ale eta porruaren alde zuria, eta berdura gorritu aurretik, gehitu azalore erdia, patata zurituak eta zatituak eta estali azalore egosteko erabili dugun salda. Utzi irakiten 30 minutuz, eta birrindu krema arin bat lortu arte. Gehitu azalore zatiak, eman gatza eta zerbitzatu bero-beroa, ogitxoen zati txiki txigortu batzuekin, eta beste bi baratxuri ale frijituekin, eta bota piperrautsa.

Ipini babarrunak bezperatik beratzen ur hotzetan, gatzik gabe. Biharamunean, ipini kazola batean ur horrekin berarekin. Gehitu tipula xehetua, ereinotzarekin eta olio txorrotada batekin. Bota ura estali arteraino, eta egosi taparik gabe bero eztian. Zartagi batean frijitu baratxuri xehetua, gehitu orburuak lau zatitan, erregosi eta azkenik gehitu perrexila. Babarrunak eginxeak daudenean, gehitu orburuen erregosia eta utzi guztiak irakinaldi bat har dezan. Gaineratu azafrai hautsa eta segi dezala egosten babarrunak goxoak eta samurrak egon arte. Bota gatz pittin bat eta utzi hozten.

Bihi osoko ogia: 40 g.

Sasoiko fruta freskoa: Laranja 1.

Erregosi zartagi bero batean oliba olioarekin gatza, tipula zuritua eta zerrendatan zatitua, baratxuria xerratua, eta perretxiko garbituak eta zerrendatan zatituak. Egin solomo adobatuaren xerrak buelta eta buelta zartagi batean oliba olio pixka batekin. Jarri binaka solomo xerrak eta haien artean perretxikoen eta tipulen erregosia. Zerbitzatu eskarola hosto garbi batzuekin, eta ondu oliba olioarekin, sagar ozpinarekin eta gatzarekin.

Bihi osoko ogia: 40 g.

Sasoiko fruta freskoa: pomelo (100 g) eta mandarina (2 unitate) zukua.

Zatitu lekak hiru edo lau puskatan. Ipini olio pixka bat kazola batean, erregosi tipula eta bi baratxuri ale, denak ere brunoise eran xehetuta (lauki txikietan, alegia). Gehitu azenarioa laukitxotan moztuta tipularen erregosiari. Eman gatza eta eduki dena 10 minutuz erregosten. Berriz erregosi lekak gehituta. Utzi guztia ordubetez egiten, edo lekak eginak egon arte, eta eman behar bezainbat gatz. Bestalde, moztu porruak zerrenda finetan, eta frijitu zartagi batean olio pixka batekin, arin gorritu arte. Gorritu baratxuri aleak zartagi batean eta gorritu direnean atera sutik eta gehitu koilarakadatxo bat piperrauts, eta berehala irauli leken erregosira. Zerbitzatu porru zerrendekin batera.

Kendu ezkatak eta hegalak legatzari. Garbitu barrutik eta kendu burua. Zatitu solomotan, hezurrak kenduta, gatzatu arin-arin eta gorde. Kutsatu labeko erretilu bat olioarekin eta ipini patata zurituak eta xerratuak, gainazala estali arte. Gehitu tipula zerrenda finetan moztuta. Bota gatza eta gehitu olio txorrotadatxo bat gainetik. Berotu labea 200 gradura, sartu erretilua patatekin eta utzi erre daitezen 20 minutuz. Erretakoan, atera erretilua, estali zilarrezko paperarekin eta erabat egin dadila bere horretan. Prestatu nahaste bat, baratxuri aleak brunoise eran moztuta, eta ardo zuriarekin eta oliba olioarekin, eta zabaldu legatzari. Gatzatu arinki, ipini labeko erretilu batean eta sartu labean 12 minutuz 200 gradura.

Bihi osoko ogia: 40 g

Sasoiko fruta freskoa: 150 g sandía.

Garbitu eta xukatu errukula hostoak. Moztu zati bertsuetan nektarina. Prestatu olio-ozpin saltsa bat eztiarekin: nahasi, gogor irabiatuz, oliba olioa, ozpina eta eztia. Prestatu entsalda plateretan, errukularekin, cherry tomateekin, pinaziekin eta nektarinekin. Azkenik, isuri olio-ozpin saltsa, piperbeltza eta gatza.

Zatitu lauki txikietan piper berdeak, gorriak eta tipula. Erregosi dena eta biguntzen direnean, gehitu tomate saltsa eta eman gatza. Saltsa hori zabaldu 4 kazolatxotan. Ipini kazola bat ur irakin, eta gatz pixka bat. Sartu banan-banan arrautzak uretan eta atera zuringoa mamitzen zaienean. Jarri kazolatxo bakoitzean arrautza bat, eta zerbitzatu guztia berotan.

Bihi osoko ogia: 40 g.

Sasoiko fruta freskoa: 100 g gerezi.