Bizimodu aktibo baten eta atseden on baten aldeko pasioa

Atsedenaren garrantzia

Jendeak bere bizitzaren heren bat lotan ematen du. Loa aldatu egiten da adinean aurrera joan ahala. Zahartzaroan, gehiago kostatzen da loak hartzea. Esnaldiaren-loaldiaren zikloaren ezaugarriak honelakoak dira helduetan:

• Disminuyen las horas de sueño nocturnas.
• Gaueko loaldia murriztu egiten da.
• Loa maizago eta luzaroago eteten da.
• Loaren efikazia (lo egondako denbora eta ohean emandako denbora) asko murrizten da.
• Loaldia arinagoa da eta atsedena txikiagoa.

Ongi lo egitea eta atseden hartzea garrantzitsua da, zeren eta loak eragina du memorian (informazioari eusten laguntzen dio); eguneko nekea eta ezinegona saihesten ditu; haserretzeko joera gutxitzen du; eta berehala erreakziontzeko gaitasuna igotzen da ezustekoren bat gertatzen denean, eta abar.

Irudia

Zer egin behar zenuke gauez ongi lo egiteko?

• Egunero ordu berean oheratu eta jaiki.
• Ohea lotarako bakarrik erabili (ez gosaltzeko, telebista ikusteko, irakurtzeko eta abarretarako).
• Telebista, sakelakoa eta janaria logelatik urrutiratu. Sakelakoa hurbil izatea beharrezkoa bada, deskonektatu Internet.
• Ez kontsumitu alkoholik, tabakorik edo substantzia estimulagarririk lokartu aurretik.
• Hartu ohitura bat lokartu aurretik eta egunero bete.
• Arin afaldu, eta gutxienez lokartu baino bi ordu lehenago.
• Zaindu giroa: gelako tenperaturak 18-22 gradutan egon behar du, eta soinu zakarrak saihestu behar dituzu.
• Bizimodu aktiboa izan behar duzu.
• Ez loaldi handirik egin egunez. Siestak ez luke izan behar 30 minutu baino luzeagoa.