Elikadura osasungarri eta jasangarri baten aldeko pasioa

Lehenik, zuritu fruituak. Moztu udareak eta sagarrak laukitxotan eta banana xerratan. Mandarinen azala edo laranja txikiena erditik zatitu. Fruta moztuta dugunean, bol batean nahasiko ditugu limoi zuku pixka batekin; zaporea ematen dio eta iluntzea eragozten. Jogurt naturalak 4 kopa edo katilutan banatuko ditugu. Zerbitzatu aurretik bota fruitu freskoen mazedonia ontzien gainaldean.

Bi jogurt botako ditugu ontzi batera, eta ongi nahasiko ditugu. Fruitu lehorrak zapaldu eta mahaspasak birrinduko ditugu; olo malutekin nahasiko dugu, eta jogurta erantsi.

Garbitu espinaka hostoak. Zuritu eta puskatu udareak (zuritu gabe ere bota ditzakegu, azala garbituta), kiwiak eta bananak. Jarri frutak eta espinakak, urarekin edo izotzarekin eta jogurt naturalarekin batean, erantsi limoi ura, eta birrindu guztia harik eta testura krematsu bat lortzen dugun arte. Egin berria zerbitzatuko dugu, lastotxo batekin eta fruta zati batzuekin lagunduta.

Bananak zuritu, eta xerra batzuk gordeko ditugu apaintzeko. Platanoaren gainerakoa zuriturik birrinduko dugu, esnearekin batera, sesamo txigortutik koilarakada pare bat botata, lima erdi baten zukua eta koilarakada bat hur txigortu. Irabiatzeko edalontzi luze batean egingo dugu nahastea, krematsua gelditzen den arte. Irabiakia hotzean zerbitzatuko dugu kopa batean, eta bananaren brotxeta batzuekin apainduko dugu. Gomendagarria da esnea hotz-hotza egotea irabiaki freskagarri natural bat lortuko badugu..

Kazola batean, nahasiko ditugu esnea, limoi azala, kanela zotza eta arroza. Nahasi dena ongi-ongi zurezko espatula batekin, eta su eztian egosiko dugu 45 minutuz. Egosaldiaren erdialdera, mahaspasak eta arana zuritu eta hezurrik gabeak botako ditugu puskatan, eta egosten segi dezala, tarteka nahasiz, krematsua gelditzen den arte. Arroz krematsua egina dagoenean, limoi azala eta kanela zotza aterako ditugu, eta hoztera utzi; bol indibidualetan aterako dugu kanela hautsa gainetik botata.

Ongi garbitu sagarrak, eta moztu. Nahasi bol batean fruitu lehor birrinduak, olo malutak eta sagar zatiak. Berotu esnea; bota kakao purua eta ongiongi disolbatu. Lau katilutara botako dugu esnea, eta, ondoren, olo malutak, fruitu lehorrak eta sagarrak banatuko ditugu.

Arrautzak irabiatu, eta 4 tortilla egingo ditugu zartagian, oliba olio tanta batekin. Loditzen hasten denean behar duen gatza botako diogu, eta irauli egingo dugu. Ondoren, zartagitik atera, eta epeltzen utziko dugu. Tortillak zerrendetan zatitu, eta tomate xerren gainean ipiniko ditugu. Ertzetatik sobran dagoena moztuko dugu, berdintzeko, eta ogi biribil txigortu batean zerbitzatuko dugu. Olioa eta gatza botako dizkiogu eta baratxuri birrinak gainetik, mahaspasekin eta pistatxo eta almendra zatituekin batera.

Ogi xerrei olioa, tomatea eta belar finak ipiniko dizkiogu. Gatz pixka bat gehitu eta labean gorrituko ditugu. Ogia txigortu denean, labetik atera eta epelak jan.

Zuritu kiwiak eta zatitu bolatxo txikietan. Zatitu pistatxoak eta erregosi zartagin batean arin-arin txigortu arte. Edalontzi batean edo katilu erako ontzi batean, jarri gazta (zatituta edo irabiatuta), eta, gainetik, erantsi kiwi bolatxoak eta pistatxo epelak.

Zuritu bat ez beste laranja guztiak. Azal zuria kendu, eta xerra mehetan moztuko dugu. Moztutakoan laranjek bota duten zukua bilduko dugu ontzi batera, eta gordeta dugun laranja zukua gehituko diogu, kanelarekin eta lima edo limoi zukuarekin batera. Laranjak erretilu batean jarriko ditugu, eta nahastea botako diegu gainetik, aurretik ongi-ongi nahasita. Hozkailuan edukiko dugu ordu erdiz zerbitzatu aurretik.

Datilak baso batean ipiniko ditugu, ur txorrotada batekin (estali gabe), eta mikrouhinean ipiniko ditugu indar betean 4 minutuz. Ura kendu. Ongi irabiatuko ditugu garbantzu egosiak. Gainerako osagaiak gehituko ditugu, ahabiak ez beste, eta berriz irabiatu ongi-ongi. Ahabiak bota, eta ongi banatuko ditugu ore guztian. Aurrez koipeztatuko ditugun magdalena-moldeak bete, eta labean sartuko dugu 200 gradura 20 minutuz. Ongi eginak daudela egiaztatuko dugu; labetik atera, eta grisela batean utziko ditugu hozten.

Hanana pure egingo dugu sardexka batekin, edo sagarra irabiatu edo konpota eran egin. Nahasi ongi-ongi purea eta olo malutak, kanela ehoa eta gatza. Gehitu almendra xehetuak eta nahasi ongi. Berotu labea 180 gradura, eta ipini paper egoki bat erretilu batean. Ore koilarakadekin galleta ez oso lodiak egingo ditugu; beharrezkoa bada, leundu orearen testura, gehitu fruitua baldin lehorra badago, edo olo malutak baldin biguna badago. Eduki labean 10 minutu, gogortu eta gorritu arte. Hozten utziko ditugu grisela batean hezetasuna kanpora dezaten eta bigunak geldi ez daitezen.

Ahuakate heldua zuritu, eta xerra mehetan moztuko dugu. Txapata erako ogiaren xerrak pixka bat txigortu, eta tomatea igurtziko diogu, oliba txorrotadatxo batekin, eta gainetik ipiniko diogu ahuakatea. Ogiaren eta ahuakataren gainean izokin ketuaren xerrak jarriko ditugu, eta errukula hostoak eta letxuga askotarikoak, baita tomatea igurztean gelditu den mami hondarra ere. Zerbitzatzeko orduan, bota oliba olio haritxo bat, gatza eta lima zuku tanta batzuk.

Esnea berotuko dugu banilla pixka batekin. Irakin ondoren, hoztera utziko dugu. Aparteko ontzi batean, irabiatu jogurta gorringoekin. Pixkanaka gehituko diogu esne lurrindua salda homogeneo bat lortu arte. Nahastea ontzi egoki batera aldatu, eta izoztu egingo dugu. Garrantzitsua da noizbehinka nahastea, gogortu ez dadin, izozkiaren sendotasuna har dezan, 5 orduz. Gerezi batzuk zatitu eta izozkiari nahasiko dizkiogu izozten hasten denean eta gogortasun puntu bat duenean. Izozkia izoztu denean, berriz, poltsa batzuk atera, eta kopa zabaletan zerbitzatuko dugu gerezi fresko batzuekin lagunduta, zatitxo izoztu batzuk nahasita; ukitu berezia emango diogu hala.